Persónuverndarstefna

Gildir frá 30. mars 2026, síðast uppfært 3. september 2026 · saganmin.is

1. Hver við erum

Sagan mín (saganmin.is) er þjónusta sem hjálpar einstaklingum að skrá lífssögu sína. Þjónustan er rekin af Multa Bene Agere ehf. (kt. 471025-0380). Spurningar og athugasemdir varðandi persónuvernd má senda á hallo@saganmin.is.

2. Hvaða gögnum söfnum við

Við geymum einungis þau gögn sem nauðsynleg eru til að sinna þessari þjónustu:

Við geymum ekki IP-föng, vafragögn, staðsetningargögn eða neinar aðrar persónugreinanlegar upplýsingar. Þjónustan er ætluð einstaklingum 18 ára og eldri.

3. Hvernig gögn þín eru vernduð

Gögn þín eru geymd í gagnagrunni hjá Supabase (Amazon Web Services í Evrópu). Við nýtum svokallaðar Row Level Security (RLS) öryggisreglur sem þýðir að tæknilegar öryggisreglur tryggja að aðeins þú getur lesið og skrifað þín eigin gögn. Enginn annar notandi og ekkert forrit utan þíns eigin reiknings hefur aðgang að svörum þínum. Öll samskipti milli vafrans þíns og þjóna eru dulkóðuð með TLS/SSL (HTTPS).

4. Aðgangur rekstraraðila

Rekstraraðili Sögu minnar les ekki svör þín. Lífssagan sem þú skrifar er þín ein. Hún er algjörlega einkamál þitt og starfsfólk hefur hvorki ástæðu né heimild til að skoða hana.

Við deilum aldrei gögnunum þínum eða seljum þau til þriðja aðila. Öll gögn eru vernduð samkvæmt íslenskum lögum og GDPR-reglugerð Evrópusambandsins. Þú átt fullt yfirráð yfir eigin gögnum og getur krafist eyðingar þeirra hvenær sem er.

5. Höfundarréttur

Þú átt fullan og óskoraðan höfundarrétt að þeirri lífssögu sem verður til. Sagan mín hefur engar kröfur eða réttindi yfir því efni sem þú skrifar eða myndum sem þú hleður upp.

6. Sjálfvirk úrvinnsla og gerð frásagna

Til að aðstoða notendur við að móta samfellda lífssögu nýtir þjónustan snjalla tæknilausn til sjálfvirkrar úrvinnslu á texta. Svör notenda eru greind til að búa til leiðandi spurningar og tengja minningar saman í eina heild. Við leggjum ríka áherslu á að engar persónugreinanlegar upplýsingar, svo sem nafn eða tölvupóstfang, séu sendar til utanaðkomandi tæknikerfa við þessa úrvinnslu.

7. Geymsla í vafra

Þjónustan notar localStorage í vafranum þínum til að vista framvindu þína og myndir staðbundið á tækinu þínu. Þessi gögn eru aðeins aðgengileg í gegnum saganmin.is og á þínu eigin tæki. Ef þú hreinsir vafragögn eða skiptir um tæki glatast þær.

8. Réttindi þín

Samkvæmt íslenskum lögum og GDPR átt þú rétt á að:

Til að nýta þessi réttindi skaltu hafa samband á hallo@saganmin.is. Við munum bregðast við innan 30 daga.

9. Eyðing reiknings

Þú getur eytt framvindu þinni hvenær sem er með „Eyða framvindu" takkanum í kaflayfirlitinu. Til að eyða reikningnum þínum að fullu, ásamt öllum þeim gögnum sem við geymum, skaltu hafa samband við okkur.

10. Raddupptökur og talvinnsla

Þegar þú svarar spurningu með röddinni er upptakan send í talgreiningarkerfi sem breytir tali í texta, og að því loknu er hún vistuð í lokaðri geymslu hjá gagnaveitunni okkar (Supabase) þar sem aðeins þú hefur aðgang að henni. Upptakan er hvorki geymd hjá talgreiningarkerfinu né notuð í öðrum tilgangi. Upplestur spurninga notar talgervil sem fær eingöngu texta spurningarinnar sendan og geymir ekkert. Ef þú velur að setja QR-kóða með raddupptöku í bókina þína er sú eina upptaka afrituð á opna vefslóð með löngu tilviljunarheiti, svo að hver sem hefur bókina í höndunum geti hlustað án innskráningar. Þú getur hætt við þá deilingu hvenær sem er og þá verður afritið fjarlægt. Þú getur einnig eytt einstökum raddupptökum með svörunum sem þær fylgja.

11. Breytingar á stefnunni

Ef við gerum verulegar breytingar á þessari persónuverndarstefnu munum við láta notendur vita með tölvupósti. Dagsetning efst á síðunni sýnir hvenær stefnan var síðast uppfærð.

Spurningar? Hafðu samband á hallo@saganmin.is